Lehiaketa honetara, edonor aurkez daiteke. Egile baten lanek original eta argitaragabeak izan beharko dute, euskaraz edo gaztelaniaz idatzitakoak. Irabazlearentzat 800 euroko sari bakarra egongo da. Aurkezteko epea azaroaren 14ean amaituko da.
Ipuin laburrak gai fantasiazkoa jorratuko du, eta DIN-A4 orritan aurkeztuko da, alde bakarretik makinaz idatzia, eta 10 orri baino gehiago ez.
Ipuinak hiru aletan aurkeztu edo igorriko dira gutun-azal itxian eta ezizenez izenpeturik. Gutun-azalaren kanpoaldean Fantasiazko ipuin laburren XXI lehiaketa idatziko da, eta barruan, beste gutun-azal bat ere igorriko da ezizen bera idatzita. Azken horren barruan, egilearen izen-deiturak, NANa, helbidea, posta-kodea, harremanetarako telefonoa eta posta elektronikorako helbidea agertu behar dira.
Epaimahaia UPV/EHUko irakasleek eta literaturaren alorrean ospe handia duten pertsonek osatuko dute., eta abenduaren 12an argitaratuko da erabakia.
Oinarri guztiak hemen eskuratu ahal dituzue.