Autoak eta bertsolaritza uztartu nahian, Zamudio Racing elkarteak Bertso-Rally erronka paregabea antolatu du lehenengo aldiz, herrian, irailaren 12rako.
Goizean gidatze seguru, ziklomotor eta amaxofobia (gidatzearen beldurra) ikastaroak, tailerrak, scalextric-a, simulagailuak, urrunetik gidatutako autoak, erakusketa bi eta bestelako ekintzak egingo dira, eta egun horretan, 19:00etatik aurrera, hainbat bertsolari eta gidari batuko dira Zamudioko kale eta tabernetan, ikusleekin batera poteoa egiteko. Bertan Etxahun Lekue, Fredi Paia, Beñat Ugartetxea eta Arkaitz Estiballes bertsolariak eta Ibon Garai eta Iñaki Narbaiza gidariak arituko dira.
