BESTELAKOAK

Galtzakomik lehiaketaren V. edizioa abian

Galtzaundi Euskara Taldeak Galtzakomik euskarazko komiki lehiaketa antolatu du Ibarrako Udalaren laguntzarekin eta Tamayo paper dendaren, Saure argitaletxearen eta Mahala baserriko produktuen babesarekin.

Edozeinek parte har dezake, bakarka. Gaia librea izango da, baina ez da onartuko eduki sexista edo arrazista duen komikirik. Lan guztiek jatorrizkoak eta argitaragabekoak izan beharko dute, eta euskaraz.

Lan bakoitzak A-4 neurriko lau orri izango ditu gehienez, eta istorio bakarra zein anitza aurkeztu ahal izango dira. Gutun-azalean aurkeztuko dira lanak, sinadura eta izenik gabe, izenburu batekin.

Galtzaundiko egoitzan aurkeztuko dira proposamenak, edo postaz helbide honetara bidaliko dira: Galtzaundi Euskara Taldea , Ibarra Galtzakomik komiki lehiaketa, Nafarroa etorbidea 6 behea, 20.400 Tolosa (Gipuzkoa).

Lanak aurkezteko epea azaroaren 23an amaituko da. Saritutako lanekin eta komiki lehiaketan jasotako lanekin erakusketa antolatuko da abenduaren 14tik 21era Ibarrako kultur etxean. Lehen egun horretan, abenduaren 14an, arratsaldeko 19:30ean Ibarrako Kultur Etxean egingo da sari banaketa

Informazio guztia elkartearen webgunean duzue.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button