Sergio Monederok Boxeolariak izeneko argazki erakusketa paratu du Algortako Villamonte Erakusketa Gelan, apirilaren 6tik 21era, eta 15 erretratuz osatu du.
Egilearen ustez, urtetan boxeo mundua baztertua izan da, edo behintzat, ez du merezi zuen arreta berreskuratu, eta agian faktore eta eragin ezberdinak elkartu dira uste horretan (bortizkeria edo intentsitatea, eta parte hartzaileen edota ikuslegoaren profil zehatza). Gaur egun, ordea, onarpena zein prestigioa gora doa etengabe. Izan ere, lan gogorreko eta sakrifizio handiko diziplina da, non kirolariek lasaitasuna, autokontrola eta erreflexioa ikasten duten.
Sergio Monederok dio proiektuaren lagina bi urteko emaitza dela, “ehundik gorako boxeolari pasatu dira nire kameraren aurretik, ordu askotako sesioak eta ehunka ordu edizio eta aukeraketarako, baina zerbait azpimarratzekoa bada ilusio eta grinez egindako lana dela.
Lanak zuri-beltzean datoz, “horrela diziplina honekin lotutako sentimenduak hobeto transmititzen nituelakoan, dramatismo puntu bat duen argazki gogor eta kontrastatu bezala ulertzen nuen”.
Egileak Argazkilaritza Garaikidearen Zentroan (CFC) edota Argazkigintza Dokumentaleko Eskolan (Black Kamera) egin ditu ikasketak. Tailer, ikastaro eta workshop ezberdinetan parte hartu du bere esparruan, maisuak diren zenbait ikasleekin: Gonzalo Azumendi, Rafael Roa, Jose Manuel Navia o Gueorgui Pinkhassov… Prentsan eta aldizkari ezberdinetan hainbat erreportaje argitaratu ditu.
Boxeolariak lehenengo erakusketa indibiduala da.
