Greziako literatura modernoak eman duen idazle handienetakoa den Nikos Kazantzakis-en obra hau, Alexis Zorbaren hitzak eta egintzak (Elkar), Luis Berrizbeitiak itzuli du.
Kontrazaleko testua honako da: “Kezka existentzialez jositako idazle gazte batek etsi du bere introspekzio filosofikoek sobera urrundu dutela bere lagun hurkoengandik, eta erabakitzen du bizitza berri bat hastea Kretan, hango natura idor eta jende xumearen artean. Kretarako ontzia hartzera doanean, agure bat hurbiltzen zaio eta eskatzen dio eraman dezala berarekin. Alexis Zorba da, munduko plazer guztiak gozatzeko desioz erretako mazedoniar kankailua. Topaketa horrekin hasten da literatura unibertsaleko abentura hunkigarri eta ikaskizun gogoangarriz beteenetako bat, bi figura arketipikori buruzko istorio zurrunbilotsu eta ahaztezina. Mundua bizi eta ulertzeko bi manera ageri zaizkigu elkarrekin talkan bi protagonisten arteko hizketa mamitsu eta eztabaida suharretan, eta, haien solasetan txirikordatuak, daitezkeen gogoeta baliotsuenak gizakiaren bizitzan munta duten gai eternoei buruz: maitasuna, heriotza, aberria, askatasuna, Jainkoa…”
Lehen aldiz euskarara ekarri da Nikos Kazantzakis-en (Kreta, Grezia, 1885-Friburgo, Alemania, 1957) lan hau, irakurle euskaldunaren gozamenerako.
