Oraingoan Francisco de Goya, Carlos de Haes eta Mariano Fortuny elkartu ditu Durangoko Arte eta Historia Museoak. Goya Haes Fortuny. Zuri beltzeko altxorrak izenburuko erakusketa horretan 14 grabatu egongo dira ikusgai.
Hiru margolari eta grabatzaile handi, nazioartean ospetsu bihurtu zirenak eta eragin nabarmena izan zutenak ondorengo artistengan. Pinturaren munduko hiru erreferente espainiar hauek XVIII. mendearen amaieran eta XIX. mendean zehar aritu ziren lanean. Beren artelanak inspirazio iturri izan dira beste hainbat artista handirentzat.
Maisu horiek gai izan dira artearen munduaz harago joateko, masak erakartzeko, beste artista batzuengan eragiteko eta gaur egun arte eredu izaten jarraitzeko.
Francisco de Goya (Fuendetodos, 1746-Bordele, 1828) mendebaldeko artearen historian garrantzia handiko artista da, eta askotan maisu handi eta lehen artista benetan moderno gisa aipatzen da. Bere arteak erromantizismoak subjektibotasunean, irudimenean eta emozioan duen enfasia irudikatzen du. Ezaugarri horiek bereziki islatzen ziren bere grabatuetan eta ondoren bere pintura pribatuetan.
Carlos de Haes (Brusela, 1826-Madril, 1898) espainiar margolari eta grabatzailea izan zen. Paisajista gisa sailka daiteke errealismoaren joera orokorraren barruan. 1857az geroztik, Madrilgo San Fernando Arte Ederren Akademiako Goi Eskolako Paisaia Katedrako maisu aktiboenetako bat izan zen.
Mariano Fortuny y Marsala (Reus, 1838-Erroma, 1874) margolari, akuarelista eta grabatzaile espainiarra izan zen, Eduardo Rosalesekin batera XIX. mendeko margolari espainiar garrantzitsuenetako bat, Goyaren ondoren.
Katalogo honetan ikus ditzakezue irudi paregabeak.
