ARTEA

Elkarrekintzan diharduten gorpuztasunak

Irati Inorizaren With (in), with (out) me erakusketa ikusgai izango da gaurtik aurrera (hilak 21) Rekalde Aretoan, Barriek programa barruan. Bizkaiko Foru Aldundiaren beka jaso duten hainbat artistaren lanak erakusten dira Barriek programaren barruan. Bederatzigarren edizio honetan Natalia Suarez, Claudia Rebeca Lorenzo, Ivan Gomez eta Irati Inorizaren lanak erakutsi dira.

Irati Inorizaren With (in), with (out) me erakusketaren sorburua artistak berak azaldu zuen Barriek programarako hautatu ziren erakusketen aurkezpen-egunean. Lan hori Atenasen, Bizkaiko Foru Aldundiaren arte plastikoen bekari esker, A-DASH Spacen egonaldi artistiko bat egiten ari zela sortu zen: “Han, Olinpiako (Grezia) korporazio klasikoei buruzko ikerketa- eta artxibo-lanak egiten ari nintzela, aurkitu nuen ziur aski Mendebaldeko bi giza gorputzen arteko harremanaren lehen irudikapena dena. Greziako ontzi batean borroka-ariketa bat dago margotuta.  Gorputzak ordura arte nola irudikatu ziren ez bezala, kasu honetan kontaktuan dauden borrokalariak ez dira banako isolatuak:  elkarrekintzan diharduten gorpuztasunak dira.  Mendebaldeko lehen gorputz-kontaktu artistikoa dela egiaztatzeko dago oraindik, baina haren efektuaren kontzientziak, benetakoa edo fikziozkoa izan, eragina izan zuen begiratzeko eta sentitzeko dudan moduan”.

With (in), with (out) me erakusketan, hainbat bideoren bidez aurkeztutako egiturak kontaktu-borrokari eta bere erritual klasikoari buruzko ekintzak dokumentatzen dira. Hori lortzeko Barakaldoko Munoako Emakumezkoen Borroka Libre Olinpikoko Klubaren laguntza izan zuen artistak.

Irati Inoriza (Balmaseda, 1992) Euskal Herriko Unibertsitatean Arte Ikerketa eta Sormenean graduatua eta masterra egina da, eta T. Rullerren Performance Atelierren egin zituen ikasketak Brno University of Technology Unibertsitatean (Txekiar Errepublika).  Azken urteotan, Fran Reus galeriak 2020an Panorama # 03 (Mallorca) programarako hautatu du; Sare Irekiak erakusketa kolektiboan parte hartu du Bizkaiko Batzar Nagusietako aretoan (Bilbo); eta INJUVE 2019 (Madril) gorputzeko Volver erakusketaren parte izan da.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Ikuskatu

Close

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ACEPTAR
Aviso de cookies
Tresna-barrara saltatu