Zinemakumeak gara! eta AUX Magazine aldizkariak Xprest! Aux jaialdiaren 9. edizioaren deialdia egin dute. Jaialdia apirilaren 23tik 25era egingo da Bilborock aretoan.
Film laburren gaia apirilaren 23an, 12:00etan, jakinaraziko da webgunean ekitaldia aurkeztu eta bi ordura, jaialdiko deialdian parte hartu ezin izan duten taldeek parte hartu ahal izan dezaten. Lanak 25ean entregatuko dira, 15:30etik 16:30era, Bilborocken. Epez kanpo entregatutako lanek ezin izango dute saririk jaso, baina antolatzaileek lehiaketatik kanpo erakusteko eskubidea izango dute.
Film laburrak euskaraz, gaztelaniaz edo audiorik gabe aurkeztu ahal izango dira. Gehienez bost minutuko iraupena izango dute, kreditu-tituluak barne, eta USB memoria batean entregatuko dira. Parte hartzen duen pertsona edo talde bakoitzak film labur bakarra aurkeztuko du.
Zinemarekin, feminismoarekin, diseinuarekin, komunikazioarekin eta arte plastikoekin zerikusia duten hiru pertsonak osatutako epaimahai batek sariak erabakiko ditu.
Jaialdiaren amaiera ekitaldia apirilaren 25ean izango da, Bilborocken, 19:00etan.
Bertan parte hartzeko baldintza guztiak hemen kontsultatu ahal dituzue.
