IKUS-ENTZUN

“Techo y comida” filma aurkeztuko du gaur FAS zineklubak

Bilboko FAS zineklubak Juan Miguel del Castillo zinegileak zuzendutako Techo y comida (2015)  filma pantailaratuko du gaur, El Carmen aretoan, 19:45ean. Emanaldia Bizitegi elkartearekin ondu dute lankidetzan.

Filmak krisi ekonomikoak eragindako hondamen humanoa jorratzen ditu, izan ere, 2012an, Espainian, 13 milioi lagun inguru pobrezian bizi dira, edo gizarte esklusio arriskuan.

FAS zineklubaren arabera,  pelikulak hauxe kontatzen du: “Rocio ama ezkongabe gaztea da, langabetua eta diru-laguntzarik jasotzen ez duena. Beraz, bizi den etxebizitzaren ordainketari aurre egiteko zailtasunak dituena. Zortzi urtetako semearen (Adrianen) tutoretza galtzearen beldur da, bere egoera okertzen doalarik. Era berean, etxearen jabeak zorrak kendu nahian, Rocio etxetik kanpo botatzeko prozesua arintzen du”.

Zuzendariaren hitzetan,  “(Techo y comida ) gustuko dudan film errealista horietakoa da. Demagogiatik at dagoen zinema konprometitua, xumea, baina ikuslearen arimaren sakonean sartzen den filma. Beharrezkoa den pelikula, ez duena inor hotz utziko”.

Informazio gehiago: cineclubfas.com.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button