Euskara euskaraz konpartitzeko helburuarekin, Bilboko IV. Berbagunea egingo da gaur, urtarrilaren 21ean, Bilboko Azkuna Zentroan. Euskaldunak eta euskara ikasten ari direnak elkarrekin euskaraz berbetan jarriko dira gaur, ostegunean; euskaraz ulertzeko gaitasuna duen edonork, euskaldunak eta euskaldun hartzaileak ere bai.
Berbagunearen laugarren edizio honetako erronka, berriz ere, euskra kalera ateratzea da eta zenbait gairi buruz euskaraz aritzea; besteak beste, liburuei, kirolei, aisialdiari buruz. Modu horretan, Bilbon euskararen erabilerari bultzada eman nahi zaio.
Ekimena aurkeztu zen egunean, Aitziber Olabarrietak, Berbaguneko koordinatzaileak azaldu zuen zertan izango den eguna: “egunean zehar lau txanda (hiru txanda goizez eta bat arratsaldez) antolatuko dira, eta guztira mila pertsonatik gora hartuko du parte. Bertan jatorri ezberdineko pertsonako bilduko dira: kultur arlokoak, kirol arlokoak, alderdi politikoetako ordezkariak eta beste sektore batzuetakoak ere bai”.
Parte hartzeko moduak honakoak dituzue: Ekitaldian parte nahi baduzue, adierazi (berbagunea@gmail.com) zenbat lagun etorriko zareten eta zein txandatara, jende kopurua ondo kalkulatu ahal izateko. Bereziki 3. txandan (12:30 – 14:00) eta arratsaldeko 4. txandan (16.30 – 18:00) egotea garrantzizkoa da, lehenengo bi txandak, bereziki, ikastetxe eta eskolako ikasleei zuzenduta baitaude”.
Hortaz, euskara euskaraz partekatzeko egun berezia dugu gaurkoa.
