Bertsopaper lehiaketa hau 18 urte edo gehiagoko helduei zuzendua da. Lanak aurkezteko epea, maiatzaren 22era arte izango da.
Parte hartzeko honako hauek egin behar dira: Bertsoak gai eta doinu librean jarriko dira. Bertso sorta bakoitzak gutxienez 3 eta gehienez 8 bertso behar ditu. Lanek orijinalak, aurrez saritu gabeak, argitaratu gabeak eta euskaraz sortuak izan behar dute. Ezinbestekoa da bertso-sortaren doinuaren izena argi adieraztea. Bertsopaperak ordenagailuz idatzirik aurkeztuko dira. Lanak bakarkakoak izango dira
Lehiaketako irabazleak 200€ eta Altzako baserrietako produktuez osatutako otarra jasoko ditu; eta Altzako onenarentzat oroigarri bat eta Altzako baserrietako produktuez osaturiko otarra egongo dira.
Lan guztiak posta elektroniko bidez bidaliko dira, goitizen batez izenpetuta bizarrain@altza.net helbide elektronikora. Epaia ekainaren 2an emango da ezagutzera, eta sari banaketa, Altzako XXV. Bertso Aroko ekainak 8ko bertso saioan izango da.
Informazio guztia hemen kontsultatu ahal duzue.
