Bilboko Udalak urtero antolatzen dituen Blas de Otero-Angela Figuera Poesia Lehiaketaren XV. edizioko eta Miguel de Unamuno Saiakera Lehiaketaren XXII. edizioko sariak banatu dituzte.
Sariok “literatura jarduera eta talentu berrien agerpena sustatzea dute helburu, sariei izena ematen dieten lau egile bilbotarren memoria eta lana bizirik mantentzeaz gain”.
2022ko Blas de Otero-Angela Figuera Poesia Saria, euskararen kasuan, Juan Ramon Madariaga Abaitua bilbotarrak jaso du Beste Piztia Batzuk lanagatik. Epaimahaikoen arabera: “Bere obran metaforen eta irudien indarra nabarmentzen da, baita bertso bakoitzean hitz zehatzaren bilaketa ere. Hizkuntzaren esperientzia eta ezagutza duen autorea da.” Modalitate honetara 22 lan aurkeztu dira guztira, kalitate nabarmenekoak.
Gaztelaniazko modalitatean (859 parte-hartzaile guztira) Francisco Javier Gilabert Sanchez izan da irabazlea, Granadako Lehen Hezkuntzako eta Ingeleseko maisua. Epaimahaikideek liburuaren kalitatea nabarmendu dute, “errealitatearen misterioaren aurrean beti adi dagoen begirada litiko eta esentziala. Olerki argitsu, gogoetatsu eta ospetsuak, Claudio Rodríguez bezalako autoreen poetikatik hurbil.”
Miguel de Unamuno Saiakera Lehiaketaren XXIII. edizioak 98 original jaso ditu gaztelaniaz. Modalitate horretan Herminia Luque Ortizen Sororidad/Hermanadad saiakera aukeratu dute irabazle. Epaimahaiaren ustez, “saiakera hau XVIII. mendean Espainiako eta Portugalgo emakume idazleen artean ehundutako sororitatezko loturen genealogia gisa defini daiteke, bai esparru informalean bai instituzionalean, haiek argitaratutako testuen azterketaren bidez”.
Euskarazko modalitatean, saria eman gabe geratu da.
