Lanaz eta laneko jendeaz idatzi du Pablo Sastrek Errekuperatzaileak (Elkar) bere azken lanean: haurtzainez eta inguramen-ingeniariez, igeltseroez, jostakinez, langile polibalenteez, buru-ehiztariez…
“Obreroa, baserritara… beste denbora batekoak ziren. Baserritara, agriculteur-exploitant da, edo naturaren zaindaria. Kateko langilea, sistema zaintzailea. Barrenderoa, azaleko teknikaria,….(…) Desagertu da materia. Abolitu da esku-lana…..”
“Batzuetan lehenengo lanak berak dira, izena aldatuta: produktu-orientatzailea, salmenta animatzailea….Beste batzuetan burua urratu behar duzu. Zer da lan-gertakarien antolatzailea?”
Pablo Sastrek literatur lan dezenteren jabe da. Azkenetarikoak, honakoak: Elurretan hotsak (2004, Susa), Gauzen presentzia (2007, Elkar) Nasreddin (2010, Pamiela), eta Gizajendearen ahitzea (2010, Elkar).