Faktoria Lilak ekoitzitako Él Nunca Me Pegó dokumentala pantailaratuko dute gaur Bilboko Zazpikaletan dagoen Biba! kultur gunean, 19:30etik aurrera.
Emanaldia Irantzu Valera kazetari eta Faktoria Lilako koordinatzaileak eta Jule Goikoetxea filosofo, irakasle eta idazleak aurkeztuko dute; proiekzioaren ostean, solasaldia gidatuko dute.
Varelak berak zuzendu du dokumentala. Pelikulak hiru emakumeren historiak biltzen ditu; testigantzetako bat filmaren zuzendariarena da. Emakumeok gizonekin izandako harreman itogarrietatik nola atera ziren kontatzen dute; amodio erromantikoz mozorrotutako, baina tortura psikologikoan oinarritutako harremanetatik, hain zuzen.
Ikasketa-kontakizuna da filma, baina maitasun osasuntsua ere jorratzen du, ikuspegi feministatik.