Peru Magdalena idazle porrokatuak Argia (Elkar) izeneko poema liburua argitaratu berri du. Beste modu batean ezin izan, eta liburua zuria da, lauki zuzena du erdian, eta hor ere, zuriz, izena: Argia. Atzean ere berdin, baina belztasunean letra hauek datoz idatzita:
Gau garbian izarrak begiratzea
zeure azaleko oreztak begiratzea
unibertsoak errepikatzen dituen patroiak
edertasun berari begira
naiz lokartzen
Liburua bost ataletan banatu du idazleak: “Poesiaren argizaria da lehenengo atala; Berrizen bizitako haurtzaroari buruzkoa Elurte handia; Hirugarren ataleko gaiak gaztaroa, maitemina, Mediterraneoa… dira, eta Eki aldean du izenburua; Bizitzarekiko nire jarrera politikoaren azalpena da Argia; eta Argizakiarena da azkena: estasia”.
Gaur berton, Durangoko Hitz liburu-dendan liburuaren aurkezpena egingo du errezitaldi baten bidez, 19:00etan: “liburuak bost atal dauzka, eta bakoitzetik bi poema errezitatuko dut. Poematik poemarako tarteetan, jazzeko hainbat pieza joko du Uxue Alonsok.”
Liburuaren argitalpenaz eta bestez Anboto aldizkarian egin diote elkarrizketa interesgarria.