Otsailaren 19, 20 eta 21ean Euskal Herriko gaztetxe eta asanbladen topaketa egingo dute Oñatiko Antixenan. Horren harira, antolatzaileek hiru egun horietako programazioa iragarri dute: Zine emanaldiak, eztabaida-guneak, mahai-inguruak, kontzertuak, merkatua,… askotariko jarduerak izango dira topaketa horietan.
Hala, otsailaren 19an, 17:30etik aurrera, honakoak izango dira:, Gure kabuz ala hil izenburupeko mahai-ingurua; Probatu ez duenak ez daki zer den hau dokumental emanaldia, eta Mor More taldearen kontzertua.
Otsailaren 20ko egitaraua, halaber, 10:00etan hasiko da, eta egun osoa iraungo du: Eztabaida-guneak, plenarioa, bazkaria, erresistentzia tailerrak, manifestazioa, eta amaitzeko, musika jaialdia: Trikimailu, Fiachras, Pelax Cowboy´s Orchestra eta Dekot.
Igandean, azkenik, asteburu osoan gertatutakoak bateratu eta ondorioez arituko dira.
Izena emateko: antixenakogaztetxia@gmail.com.
