Joan den urtean pandemiak dena zapuztu zuen, baina aurten urtero ospatzen den antzerki jaialdirako deialdia egin du Alegria-Dulantziko udalak. Jaialdia azaroaren 5etik 27ra egingo da, eta lanak aurkezteko epea ekainaren 30ra arte egongo da zabalik.
Edozein tokitako antzerki-talde ez profesionalek parte hartu ahal izango dute, eta beren antzezlanen edukia, estiloa eta hizkuntza ere edozein motatakoak izan ahalko dira. Talde bakoitzak, gehienez, bi antzezlan aurkeztu ahal izango ditu.
Hautaketa Batzorde batek, aurkezten diren proposamen guztien artean, 9 antzezlan aukeratuko ditu. Jaialdian parte hartzen duten 9 taldeek 900 €-ko diru-laguntza bana jasoko dute joan-etorrietarako eta emanaldirako, bai eta partaidetza-diploma bana ere
Jaialdiari buruzko informazio guztia, www.teatroamateur.com webgunean duzue eskuragarri.