Ez dago etxean euskal presoen ihesaldien krokisa da: ihes ongi burutuena, ihes zapuztuena eta ihesaldi amestuen mapa. XX. eta XXI. mendeotako ihes saioen bilduma.
Liburuan agertzen diren testigantzak, kontakizunak eta gertaerak benetakoak dira, baita agertzen diren ametsak ere. Ez dago etxean ez da soilik metafora bat, beste ezer baino askatasun ariketa da.
Jokin Urain (Mendaro, 1959) 1986tik preso dagoen idazlea da. Guztira, lau liburu idatzi ditu, tartean, Izaina (Amnistiaren aldeko batzordeak, 1990) eta Adlotse (Txalaparta, 1992) izeneko nobela bi. Bere azken lana, Errotarria (Susa, 2006), 1936tik 2005era bitartean jazotako borroken eta derroten antologia da.
Liburua ekainaren 3an aurkeztuko da 12:00etan Donostiako Udal Liburutegiko sotoan.
Susa argitaletxeak bidalita
