Aurten Arabako sagardo garaiari hasiera emateko ohorea izango du Arabako Bertsozale Elkarteak. Arabako sagardogileek urte hasiera guztietan bezala, Arabako Sagardo Berriaren Eguna 2014 ospatuko dute.
Hala, 2014ko sagardo garaiari hasiera emango diote Trebiñuko Askartza herriko Trebiñu sagardotegian, urtarrilaren 16an, 20:00etan. Eta aurten Arabako Bertsozale Elkartearena izango da kupelak zabaltzeko ohorea, eta behar bezala ospatzeko txalaparta, bertsoak eta trikitixa izango dira bertan. Bertsolariak ere ez dira faltako.
Animatu zaitezte!
