LITERATURA

XXI. mendeko literatura aztergai

Euskal Literaturaren Mugak izenburupean, Bilboko Udaleko Bidebarrieta Kulturguneak XXI. mendeko literaturari buruzko saioa bat prestatu du gaur, irailak 22, 19:00etan, Jon Arretxe eta Unai Elorriaga autoreekin. Lutxo Egiak moderatuko du ekitaldia.

Jon Arretxe (Basauri, 1963) Euskal Filologian doktorea da, Gorputz Hezkuntzan lizentziatua, eta Bilboko eta Gasteizko kontserbatorioetan pianoa eta kantua ikasi du. Autore polifazetiko eta arrakastatsu da Arretxe eta idazle porrokatu ere bai. 90eko hamarkadaren hasieran ekin zion bere ibilbide literarioari, eta nobela beltzak idatzi ditu. Genero horretan, Sueños de Tanger eleberria nabarmentzen da.

Unai Elorriaga (Algorta, 1973) idazleak idatzitako bere lehen eleberriak (SPrako tranbia) 2002ko Narratiba Sari Nazionala jaso zuen.Bereak ere badira, Van’t Hoffen ilea edota Vredaman, 2010ean Estatu Batuetako Gobernuak emandako NEA International Literary Award saria jaso zuena. Argitaratu duen azken lana Iturria da. Ipuin harrigarriz beteriko lan bikaina.

Topaketa Bidebarrietako liburutegiko areto nagusian izango da, eta sarrera gonbidapenarekin izango da (www.bilbaokultura.eus webgunean eskuragarri daude). Joaterik ez duenak streaming bidez jarraitu ahal izango du ekitaldia, www.kulturguneatb.eus helbidean.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ACEPTAR
Aviso de cookies
Tresna-barrara saltatu