Historia hurbilaz idazteko Tene Mujika Bekaren zazpigarren edizioa abiatu dute Debako Udalak eta Elkar argitaletxeak. Ekimenak 6.000 euroko diru-laguntza emango du.
Euskal Herriaren azken 70-60 urteetan izandako pertsona, talde, gertakari edo mugimenduren bati buruzko liburuak egiteko proiektuak aurkez litezke; lanak jatorrizkoa eta euskaraz sortua izan beharko du, aurrez argitaratu nahiz saritu gabea.
Ez da fikziorik onartuko baina bai materialaren lanketa literarioa, idazleak hala nahiko balu; dibulgazio-lanak bezala egin litezke ikerketak, baina ez espezialistentzat bakarrik idatzitakoak.
Parte-hartzaile bakoitzak ondorengoak aurkeztu beharko ditu, lau aldakitan: Idazlearen curriculum laburra, orri batean, argitara emandako lanak aipatuz, baita harremanetan jartzeko helbide eta abarrak ere. Idatzi nahi duen lanaren azalpena, 3-6 orri bitarteko luzerakoa, egoki iritzitako ezaugarriak zehaztuz, hala nola, gaia, egitura, iturriak, metodologia, aurreikusitako luzera, estiloa, eta abar. Idazlanaren lagina edo erakusgarria, 15-20 orrialde bitartekoa.
Proiektuak, abenduaren 10era arte bidal daitezke helbide honetara: artxiboa@deba.net
Alberto Barandiaranek, Idurre Eskisabelek eta Elixabete Garmendiak osatutako epaimahaiak, jasotako proiektu guztiak aztertu eta haien arteko bat izendatuko du irabazle 2013ko urtarrila amaitu baino lehen.
Informazio gehiago, hemen.
