Cristina Gutierrez-Meurs artistak Ixo izenburuko erakusketa inauguratuko du gaur Bilboko La Taller galerian. La Taller guneko kideen arabera, “Cristinak, ikerketa sakona egin ondoren, nobela bat argitaratu zuen maiatzean, Espainiako ume ostuei buruzkoa. Horren inguruan, aldi berean, lan plastikoa gauzatu du, eta obra artistiko hori da erakutsiko duguna”. Erakusketa zabalik izango da irailaren 30era arte.
Bilboko Ediciones Cívicas O argitaletxeak plazaratu du Lo que no me quisiste contar eleberria. Nobelaren ideia honela bururatu zitzaion Cristinari: etxeko eskaileretan ezezagun bat aurkitu zuen postontzietan arakatzen; ezezagun hori amatasun-klinika zahar baten arrastoak bilatzen zebilen.
Gertaera horrek haserretik abitutako ikerlana piztu zuen, eta ondorioz, liburua eta erakusketa sortu ziren. Hala, nobelak eta erakusketak egitasmo artistiko bera osatzen dute.
Proiektu horren barne, hain justu, hiru ildo jorratu ditu: aipatutako eleberria, liburuan jasotako dozena bat grabatu eta diziplina anitzeko instalazioa, zeina ikusgai dagoen La Taller gunean; sehasken eskeletoz, estanpatutako kuxinez eta kordoi korapilatuz osatutako muntaia.
Informazioa gehiago: lataller.com.
