Larunbatean, Gasteizko Gaztetxean, Hala Bedi Rock jaialdiaren bederatzigarren edizioa egingo da. Hala, gaztetxeko agertokitik makina bat talde igaroko dira. “Rocka izango da protagonista Gasteizko erdigunean dagoen muinoko etxe sorginduan”, iragarri du Hala Bedik.
Aurten, Dead Sequoia, The Twin Rebels, The Brew Grass Society, La Reverso , Devils Garden eta Giante taldeek izango dira oholtza kiskaltzen eta gitarrak astintzen.
“Aurtengo afixea Hala Bedi Rock jaialdiaren aurreko edizioetan parte hartu duten zenbait musikariren argazkien collage koloretsu batek osatzen du”. Aurreko edizioetan, besteak beste, Obligaciones, Turboneskak, Bidelapurrak edo Izaki Gardenak taldeek jo zuten.
Informazio gehiago: halabedi.eus.