MUSIKA

Igande goizetan kontzertu-ziklo berria, Bilbon

Bilboko Udalak estreinako aldiz formatu txikiko kontzertu ziklo bat abiatuko du, igande goizetan, eta publiko gazteari zuzendua. Musika-emanaldiok hilean behin egingo dira, beti domekaz, 13:00etatik aurrera, Bilborock aretoan. Programa hau Igandays izenarekin jaio zen, eta COVID19aren aurkako osasun-segurtasuneko arauak eta gomendioak beteko ditu.

Ekimen honekin, “Udalak gazteentzako musika-eskaintza handitu du urian, eta gazteen eskariari erantzuten dio, beraiek honelako ekimenak eskatzen eta eskertzen baitituzte: aisialdiko eta kulturako proposamenak, segurtasunez eginak.”

Igande honetan, martxoaren 28an, izango da lehen emanaldia Conxita eta Fermí Herrerok osatzen duten Tronco bikote katalanarekin. “Haien abestiek irudimena eta xalotasuna, bat-batekotasuna eta eromena nahasten dituzte, lotsagabekeria punttu batekin eta punk espiritu tanta batekin”.

Apirilaren 11n, Lucia e El Lerdo (Lucía Salcedo eta Ibon Belandia) arituko dira; maiatzaren 9an, Debajo del Paraguas taldearen txanda izango da, eta azkenik, ekainean, Airu taldea igoko da oholtzara.
Ekaineko kontzertuaren ostean, musika ziklo hau irailean itzuliko da.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button