Familia guztiari zuzendutako Amour obra abenduaren 23an, 26an eta 27an estreinatuko da, Bilboko Arriaga Antzokian. Tartean Teatroaren Marie de Jongh konpainiak eta Arriagak Antzokiak berak ekoitzitako antzezlana da.
Arriaga Antzokiaren arabera, “Amour testurik gabeko ikuskizuna da, helduen antzerkia umeentzat eta umeen antzerkia helduentzat”. Formatua berezia du, hitzik gabeko ikuskizuna baita, hortaz, ideiak eta sentimenduak keinuen bitartez transmititzen dira.
Jokin Oregi da Amour lanaren egilea eta zuzendaria, eta Elisa Sanz, berriz, obraren zuzendari artistikoa. Antzezleak hauexek dira: Ana I. Martinez, Ana Meabe, Pablo Ibarluzea eta Anduriña Zurutuza. Pascal Gaignek, gainera, musika idatzi du.
Antzezlanak ondokoa kontatzen du: “Ume batzuk jolasean ari dira dena hastear dagoen herrialdean. Mundua deskubritzen dabiltza, beren unibertsoa itxuraldatuz. Nagusiak imitatzen dituzte, ausart eta ozar. Maitatzeko gai direla sinistuta daude, maitasunaren sakonera arrotza zaien arren”.
