Uztailaren 15etik 18ra, 44. Gasteizko Jazzaldia egingo da Arabako hiriburuan. Joan den urtean, pandemiak zapuztu zituen musika hirian zabaltzeko asmoz guztiak, baina aurten makina bat musikari bilduko dira jazzik onena zabaltzeko asmoz.
Jaialdia Iradier Arenan izango da, izan ere, kontzertu nagusiak bertan egingo baitituzte, baina arratsaldeko kontzertuak Principal Antzokian izango dira. Bertako proposamenak oso interesgarri eta berritzaileak izango dira, eta tartean, Miguel Salvador, Gonzalo del Val, CMS Trio, Maciej Obara eta beste musikari batzuek bertan haizatuko dituzte beren soinuak.
Parte hartuko duten beste musikarien artean, Antonio Sanchez mexikarra, Thumbscrew estatubatuarra, Anne Paceo, Itamar Borochov, Kathrine Windfeld eta beste hainbat etorriko dira Gasteizera.
Betiko legez, puntako autoreekin batera bertako talentu berriak ezagutzeko parada eskainiko du jazzaldia.
Hortaz Gasteizera berriz helduko dira jazz soinuak, udako giroari beste zapore kultural bat emateko xedez.
Kontzertuen gaineko informazio guztia Gasteizko Jazzaldiak dauka.
