Bilboko Udaleko Bidebarrieta Kulturguneak Eztabaidak literaturarekin XXI. mendean zikloaren beste hitzordu bat antolatu du gaur, azaroak 7, 19:00etan. Bertan, Bernardo Atxagak eta Xuan Bellok hartuko dute parte, eta Kike Martin kazetariak gidatuko du.
Topaketan zehar, honako galdera hauei erantzuten saiatuko dira: zertaz hitz egiten da idazle baten munduaz hitz egiten denean? Bat al dator haren begirada gure ingurura begiratzen duten gehienekin? Zein da besteen munduetan, hala nola Obaba edo Paniceirosen munduetan, gertatutako istorioekin bibratzea eragiten duen substratu komuna?
Bernardo Atxagari buruz hitz egitea euskal literaturaren adierazle handienetako bati buruz hitz egitea da. Autorea, euskarazko literatura berritu duena, euskarazko idazlerik irakurriena eta itzuliena da, eta ipuina, eleberria, poesia eta saiakera biltzen dituen bibliografia zabala du. Bere lehen eleberriarekin, Bi anai, Kritikaren Saria eman zioten 1985ean, eta Obabakoak lanagatik, Kritikaren Saria, Euskadi eta Literatura Sari Nazionala jaso zituen 1989an. Azken liburu hori da, zalantzarik gabe, nazioartean arrakasta handiena izan duen euskarazko liburua, 26 hizkuntzatan itzulia eta Montxo Armendarizek 2005ean zinemara eramana. Bernardo Atxaga Euskaltzaindiko kidea da 2006az geroztik.
Xuan Bello asturierazko literaturako idazle nabarmenetako bat da. Literatur ospea Historia Universal de Paniceiros argitalpenari esker iritsi zitzaion, Ramon Gçomez de la Serna saria irabazi baitzuen, eta 2003an kritikak gehien goraipatu zuen liburuetako bat bihurtu zen Asturiasko Literatura Sari Nazionalaren jabe ere bada.
