Bilboko Udalak datorren astelehenetik, maiatzaren 3tik, aurrera, Magiaren Topaketak programa zabalduko du Txurdinaga-Otxarkoagako barrutian. Programak familia guztientzat jardueraz betetako hitzorduak dakartza.
Hortaz datorren astetik aurrera, Tor Magoa, Hodei Magoa, Txoborro, D’Albeniz eta Dramagia konpainiak, Imanol Ituiño, Sebastian Dunkerke, Panaiotis Fassoulas, Asier Kidam eta Tony Perez tokiko erreferenteak izango dira. Haiekin, estatuko mago Patxi, Daniel Ka eta Alejandro Revuelta magoak, eta Peruko Solange Kardinaly eta Gisell nazioarteko magoak eta Dominique Legrand mago frantsesa ere izango dira.
Gainera, Magiaren Topaketak ekimenak berriz abiatuko du Atera barruan duzun magia lehiaketa. Hautatuek beren magia-ikuskizuna aurkeztu ahal izango dute maiatzaren 29an Otxarkoagako Udaltegian ospatuko den galan. Magia-lehiaketa honetan parte hartu nahi duenak 16 urte baino gehiago izan beharko ditu, eta 2 eta 10 minutu arteko bideo bat bidali beharko du, magia-efektu batzuk erakusteko. Bideoak lehiaketara aurkezteko epea maiatzaren 10ean bukatuko da. Sariak ere banatuko dituzte.
Egunez eguneko programazioa hemen kontsultatu ahal duzue.
