Poltsiko Antzerkiaren baitan, euskarazko sorkuntzak sustatzeko VI. Proiektu Deialdia abiatu dute. Egitasmoak aurkezteko epea urriaren 16an amaituko da. Aurten, gainera, bi diru-laguntza bideratuko dira: garaileak 4.000 euro hartuko ditu, eta finalistak, berriz, 3.200 euro.
“Poltsiko Antzerkian, eta orokorrean, formatu txikiko antzerkiaren inguruan euskarazko lanen eskaintza urria izan ohi da. Errealitate hori ikusita, alor horretan euskarazko sorkuntzak bultzatzea da ekimen honen lehen helburu nagusia”.
Seigarren deialdiaren helburua ez da diru-laguntza ematea baino ez, baizik eta koprodukzioa, izan ere, diru-laguntza jasoko duten lanak Poltsiko Antzerkia Jaialdiaren egitarauren baitan ere estreinatuko dira, 2016eko otsailean.
Donostia Kultura da ekimenaren antolatzailea, Donostiako Udaleko Euskara Zerbitzuarekin eta Euskal Herriko Antzerkizale Elkartearekin lankidetzan.
Informazio gehiago: donostiakultura.com.
