Otsailaren 5era bitartean, Gasteizko Iguana Kafe aretoan, Josu Guevara artistaren Espektros Geometrikos izeneko lanak ikusi ahalko dituzue.
Ikuspegi kimerikoak, irudimenean gertatzen diren edota ametsetan izaten diren figurazioak dira honakoak; figura horien propietate eta neurrien errepresentazioak espazio edota plano zehatz batean.
Hauxe da artistaren esperientzia onirikoetara bidaia bat. Gorputza eta gogamenak atsedena hartzean, burmuinak bulkada kimiko desordenatuen bitartez aktibo segitzen du.
Josu Guevara (Gasteiz, 1982) diseinatzaile grafikoa da eta KitCrea laborategi grafikoaren sortzailea. Loveevolution, Por amor al arte eta Muralia ekim enetan parte hartu du.
