Ekainaren 1ean izango da aurten, Pinpulka elkarteak, Euskal Kultur Erakundearen laguntzarekin, urtero antolatzen duen karrikako arteak sustatzeko Jokoz Kanpo festibala.
Aurtengoa, 10. edizioa izango da eta egitarau oparoarekin dator gainera. Hala, dantza, antzerkiak, ipuin musikatuak… izango dira egun osoan zehar haur, gazte zein helduentzat, euskaraz zein frantsesez.
Bertan gozagarri izango diren artista eta konpainien artean, Docteur Troll, Burdin & Gilles Rhode, So.K, Pastors of Muppets, Suak, La Fabrique Affamée, Mecanica Théâtre, Jour de Fête Cie, Ring Parade izango dira.
Ekitaldi honen bidez Pinpulka elkarteak “karrikako arteak nahi ditu garatu beren adierazmolde ezberdinetan, publikoarekiko hurbiltasuna lantzeko asmoarekin”, azaltzen dute antolatzaileek.
Duela hamar urte sortu den Pipulka elkarteak, ekimen andana bat antolatu ditu jadanik, lekuko artistak ezagutaraztea helburu duela. Gainera, ekaineko festibala ez ezik, urtean zehar ere hainbat aktibitate kultural antolatu ohi ditu Errobi eskualdeko eragile kulturalekin elkarlanean.
Festibalaren informazio gehiago, eta egitarau osoa hemen.
