Sortzaileen ibilbide artistikoa markatu duten eszenarako hiru bakarrizketa ikusi ahal izango dituzue Bilboko La Fundicion aretoan, maiatzaren azken egunotan, Zer(K)nias programaren barruan.
Maiatzaren 24, 25 eta 26ean, oholtzaratuko diren hiru saioak honako hauek dira: Chema Trujilloren (L) pieza. “Antzezlana bakarrizketa bat da. Baina ezin diogu “bakarrizketa” deitu, mundu osoak pentsatuko duelako “stand up comedy” egiten dugula. Baina, egia esan behar badugu, inori ez zaio bururatuko izen tekniko hori, eta “Komediaren kluba” etorriko zaie gogora. Lan hori 24an antzeztuko da.
Hurrengo egunean, Javier Liñerak Barro Rojo (2016) izeneko lana egingo du. “Gizarte-espazio fisikoan negarra desagerrarazteari buruzko gaiak planteatzen dira, publikoaren eta pribatuaren arteko mugei buruzkoak, gizartean negarra erabiltzeari buruzkoak. Gorputz-adierazpenari dagokionez, negarra oso erraietatik sentitzen dugun zerbait da, eta, hala ere, hirietatik kanpo dago, bakarka egiten dugu”.
Azkenik, 26an, Eguzki Zubiak Mi 3er. Acto egingo du. Pieza “menopausiarekin batera sortzen den eraldaketa ospatzen duen emakume baten lan unipertsonala da. Umoretik eraikitako begirada propioa, epopeia tragikomikoa, hirugarren adinera begira jarrita”.
La Fundicion aretoak dauzka datu guztiak.
