Festikalek, Landa Inguruneko Arteen Jaiak, 10 urte beteko ditu aurten, eta uztailaren 13tik 16 bitartean, Galiziako, Kataluniako, Aragoiko, Andaluziako eta Euskal Herriko konpainien ikusgarriekin ospatuko dute Zigoitian.
Aurtengo edizioan txotxongiloaren arte unibertsalari, horren sortzaileei eta etorkizuneko publikoari egingo zaie omenaldia. Eta horretako zuzeneko musika, zinema, antzerkia, instalazio interaktiboak, txotxongiloak, zirkua eta antzerki musikala bilduko dituen programazio ederra atondu da.
Gaur berton abiatuko da jaialdia Zigoitiko Gizarte Kultur Etxean. Bertan, Títeres Cachirulo taldeak Cronopios a escena pieza egingo du. Instalazio horretan, zortzi agertoki txikik Julio Cortazarren Historias de Cronopios y de Famas liburuko zortzi eszena labur garatuko dira. Pertsonaiak erraz manipulatzeko moduko pertsonaiak dira. Eszena bakoitzak bere testua du, euskaraz zein gaztelaniaz. Nor ez da noizbait cronopio sentitu? Edo ospea edo itxaropena? Bertaratutako ikusleak kontakizun txiki bakoitzaren protagonista izango dira.
Egunotan parte hartuko duten beste talde batzuk honako hauek dituzue: La Swanson Teatro, Ameztu Antzerkia, Zirkozaurre, La Gotera de Lazotea, Los Titiriteros de Binefar, Bucraá Circus, eta Teatro Che y Moche.
Festikale jaialdiaren egitarau osoa hemen kontsultatu ahal duzue.
