Sol Picó dantza-konpainiak One-hit Wonders lana taularatuko du larunbatean, maiatzak 16, Donostiako Egia auzoan dagoen Gazteszena Kultur Etxean, 10:00etatik aurrera.
Alacant hiriko Sol Picó dantzari eta koreografoak eratutako taldearen obra esanguratsuenekin jositako lana da One-hit wonders, dantza-konpainiaren 20. urteurrenaren harira ondua. Ondoko ikuskizunen zatiak biltzen ditu: D.V.A (Dudoso valor artístico), 1999; Bésame el cactus, 2000; Paella Mixta, 2004; El Llac de les Mosques, 2009 eta Memòries d’una puça, 2012.
Konpainiaren webgunean jasotzen denez, “puntetan” eginiko ibilbide artistikoren gaineko begirada panoramikoa da: “utzitako, jasotako eta geratzen dena”.
“Porrotarekiko beldurra; Deseatutako aitaren aitorpena; Gure heriotza txikiak; Arrakasta handiak; Bete ez diren desioak; Zoriontasun asebetea; Ikusten ez dena; Erosotasun-gunetik irtetea; Partekatutako grina”.
