AKAdantz edo kale dantzen lehiaketa, otsailaren 7an egingo da, 18:00etan, Elorrioko Arriola aretoan. Bertan, gazteei eta amateur mailako dantzariei zuzenduta dagoen hiri-dantzen (funky, house, Urban dance, hip-hop, Break-Dance, Locking, Popping…) lehiaketa-erakusketa egingo da.
AKAdantz Breakonstage jaialdiaren aurreko jarduera da, eta ekimenak daukan helburua tokiko hiri-dantzaren egoera sustatzea da. Egitasmoak oso ondorio ikaragarriak ekar ditzake, izan ere, irabazleek Europan garrantzia handia duen Breakonstage jaialdian dantzatuko dute.
Lehiaketan hiru modalitate neurtzen dira: Urban Dance, Esperimental eta Breakdance. Eta baloraziorako irizpide nagusiak originaltasuna, sormena eta koreografiak burutzeko trebezia, musika sinkronia eta talde lana, eta markatutako iraupenera (hiru minutu gutxi gorabehera) doitzea izaten dira.
Horrela, gazteek dantza ildo berriak sortuko dituzte, eta haiek izango dira sortzaileak eta AKAdantz-en protagonistak.
Kasu honetan, taldeak lan egiten segitzen bultzatzeko eta animatzeko, Elorrioko Udalak eta Diputazioak Arriola Antzokian jaialdi hau aurrera atzeratzeko beharrezkoak diren baliabideak jartzen dituzte.
