Kafe Bar Bilbaok, Tartean teatroak lagunduta, Kafe Bar Bilbao Teatro Laburreko Gidoien Saria antolatu du beste behin. Aurtengoa, lehiaketaren 18. edizioa izango da, eta lanak aurkezteko epea abenduaren 31n amaituko da.
Kafe-teatrorako edo formato txikiko antzerki-lanetarako gidoiak aurkeztuko dira. Lanaren luzera 30 minututako antzezlan bati dagokiona izango da.
Modalitate bi egongo dira: euskarazkoa eta gaztelaniazkoa. Gidoi modalitate bakarrera aurkeztu daiteke obra bakoitza. Erdarazko lanen egileek Euskal Erkidego edo Nafarroakoak izan beharko dute. Gidoiak jatorrizkoak, antzeztu gabeak, argitaratu gabeak eta aurretik beste lehiaketaren batean saritu gabeak izango dira. Epaimahaiak kontuan hartuko du lanaren kalitatea (teatrala, literaturarena…) eta formatu txikiko antzerki-lanetarako gidoia izatea.
Saria 800 € (zergak baino lehen) izango da. Modalitate bietan.
Tartean teatroak lan hauen irakurketa dramatizatua antolatuko du. Kafe Bar Bilbao harremanetan dago Pabeiloi 6 Bilboko antzokiarekin, saritutako lan baten ekoizpena lagundu eta bertako Antzerki Laburraren Festibalean aurkeztua izan dadin.
Gidoiak emailez bidaliko dira Kafe Bar Bilbaora: info@bilbao-cafebar.com
Betebeharreko guztiak hemen kontsultatu ahal dituzue.
