Tartean Teatroa konpainiako kidea den Mikel Martinez aktoreak Tabernaria bakarrizketa egingo du gaur, hilaren 29an, Bilboko EDE Fundazioan, eguerdiko 12:00etan. Nontzeberri Zikloaren barruan programaturiko ekintza izango da.
Tabernaria bakarrizketa Patxo Telleriak idatzi eta zuzendu du, eta Mikel Martinezek aktore lanak egiten ditu bertan. Cafe Bar Bilbao Sariaren 15. edizioan, Patxo Telleriarentzat sari berezia izan zen, azken urteotan euskal dramaturgian egindako lanagatik eta, zehazki Tabernaria: instrukzioak botatzeko ondo bat kaña teatro laburreko lanagatik.
Bertako eszenan tabernariak bere ohiko bezeroak biltzen ditu, kaña bat ondo botatzeko instrukzioak emateko aitzakiarekin. Baina bakarrizketa aurrera joan ahala, tabernariak beste kontu batzuez hitz egingo digu, bere beldurrez eta desirez, bai eta beste gai sozial batzuez ere. Hortaz, kaña bat nola zerbitzatu behar den azaltzez gain, harago joango da, eta tabernariak bere beldurrak eta nahiak aditzera emango ditu, gizarte-eztabaidarako gai jakingarriak ere mahaigaineratuz.
Formari dagokionez, egitura berezia proposatzen du, istorioa atzetik aurrera kontatzen delako. Hau ez da kapritxo estetiko bat, narrazioaren muinarekin lotuta baitago: denbora eta ekonomia eredu berrien gatazka.
Hortaz bihar, ostegunean, etor zaitezte kaña bat hartzera eta zerbitzariari entzutera, ez zarete damutuko.
