Bilbao Historikok Kapsula Gabonak aurkeztuko du abenduaren 15etik 18ra antzerkiaz gozatu ahal izateko. Gurutze Beitia aktorearen zuzendaritzapean, ekimenak antzerki laburraren formatuan 19 ikuskizun aurkeztuko ditu. Ikuskizun guztietarako sarrera doakoa izango da lekua bete arte.
“Jaialdiak halako ibilbide batzuk sortzea proposatzen du, ikusleek espazioak eta bertako bitxikeriak ezagutzeko eta, era berean, Alde Zaharra, Bilbo Zaharra, San Frantzisko, Zabala, Atxuri eta Erriberako Merkatua bisitatu ahal izateko”. Eta gainera antolatzaileek adierazi duten moduan, “antzerkiaren mundua publiko zabalari hurbildu nahi diogu, proposamen dibertigarri eta lotsagabeen bidez, balioa, arima eta nortasuna duten espazioak okupatzen dituztenak, hala nola Bilboko auzo historikoak osatzen dituzten auzoetako dendak, tailer artistikoak, museoak eta espazio bereziak. Baina, batez ere, hiriaren eta auzoen benetako esentzian esku hartzen saiatuz, jarduera gehienak oso ohikoak ez diren espazioetara eramanez, eta horrek aukera ematen digu bi diziplinen arteko elkarrizketa interesgarria sortzeko.”
Hala, ostegunetik igandera bitartean makina bat ikusgarri programatu dira bertan.
Non, noiz eta zer jakin nahi baduzue, hona hemen Kapsula Gabonak.
