Apirilaren 1etik 24ra, Pabellón 6 Aretoan, Antzerki Arineko Jardunaldiak garatu dira. Guztira 16 lan aukeratu ziren oholtza gainean estreinatzeko, 11 gazteleraz eta 5 euskaraz, eta emanaldiak ostiral eta larunbat arratsaldeetan izan dira.
Atzo, Arnatz Puertasek eta Itxaso Gilek aurkeztutako galan sarituak ezagutzera eman ziren. Bertako gai ederrean, lanen parte-hartzaileak, epaimahaikideak, antolakuntza eta publikoa bildu ziren.
Sariak honakoak izan dira: Ikuskizun onenaren Alex Angulo saria, 3.000 €, eta Bilboko Udaleko Kultura Sailak emandakoa, Amaya antzezlanarentzat izan da. Sandra Marchenak eta Amaia Lizarraldek idatzitako obra da, eta Amaia Lizarralde eta Olatz Beobide ditu protagonista. Bestalde, Bizkaiko Foru Aldundiko Kultura Sailak Kriselu euskarazko muntaia onenaren saria eman dio Zuri lanari (3.000 €). Saioa Iribarrenen testu eta zuzendaritza da, eta Ander Basaldua eta Gaizka Chamizo protagonistak dira. Ikusleen Saria Gaizki piezarentzat izan da. Eta Interpretazio Onenaren bi sariak (biak ex aequo) Mikel Martinez “Zorionak (Esan Hemen Zure Izena) eta Ander Basaldua (Zuri) eta Haizea Águila (El Sabor Del Melocotón) eta Leire Ormazabal (Firmado por alguien que no tiene firma) antzezleentzat izan dira.
Epaimahaian Justi Larrinaga, Osvaldo del Valle, Ziortza Etxabe eta Iñigo Cobo adituek osatu dute.
Aurreko edizioetan bezala, Jardunaldiak Pabellón 6 Arte Eszenikoen Sortzaileen Elkarteak sustatzen ditu, Bilboko Udaleko Kultura Arloaren, Bizkaiko Foru Aldundiaren, Café Bilbao / Tartean Teatroaren eta Pabellón 6 Antzerki Laborategiaren laguntzarekin.
