Azpeitiko aurtengo Euskal Antzerki Topaketak azaroan egingo dira. Antzerki proposamenak jasotzeko epea zabalik izango da apirilaren 20ra bitartean.
Diogun moduan, aukeratzen diren antzezlanak 2020ko azaroan zehar taularatuko dira, Euskal Antzerki Topaketen barne, hain zuzen.
Deialdi honetara aurkezteko Euskal Herriko taldea izatea eta antzezlana euskaraz izatea eskatzen dute. Aurkeztu behar den materiala honakoa duzue: obraren aurkezpena; sinopsia, edo laburpena; fitxa tekniko eta artistikoa; eta material grafikoa.
Proiektuak modu elektronikoan aurkeztu behar dira, Azpeitiko udaleko weborrian sartu eta online tramitatu behar dira.
