Ertibil Bizkaia erakusketaren 41. edizioak bere ibilbidea amaituko du, eta Barakaldon, urtarrilaren 5era arte, 18 obra erakutsiko ditu. Erakusketa ibiltaria Bilboko Rekalde Aretoan hasi zen, eta ondoren, Getxo, Sestao, eta Balmasedako udalerrietan zehar ibili da, azkenik, Barakaldon bukatzeko.
Jon Ander García, Maider Aldasoro Diaz eta Ibai Madariaga Sagastizabal & Miel Oyarzabal dira Ertibil Bizkaia 2023 erakusketaren deialdi berri honetako artista irabazleak. Eta horiekin batera, hauek ere badaude: Imanol Abad Martínez & Imanol Expósito Delgado, Daniel Alegrete, Izaskun Araluzea Itza, Alejandro González Osés, Julene Gregorio Uriarte, Leire Lacunza Miranda, Ibon Landa Amutxategi, Idoia Leache Olagüe, Claudia Rebeca Lorenzo, Julen Martin Zaballa, Lugha Mathews Bouchard, Estela Miguel, Javier Ozcoidi, Ander Sagastiberri Fernández eta Amaia Santamaria Andres.
1983tik Ertibil egitasmoaren helburua “Bizkaian sormen-lana egiten duten artista berriei laguntzea eta horien obrak sustatzea da”. Begoña de Ibarrak Rekalde Aretoko aurkezpenean zehaztu zuenez, “ERTIBILek Bizkaiko gaitasuna, talentua, artea eta etorkizuna irudikatzen ditu. 41 edizioko ibilbidearekin, ERTIBIL erreferente bihurtu da arte bisualen esparruan, sortzaile gazteen espektro artistikoaren alderdi berritzaileena eta sortzaileena hartu du, eta arte garaikidea eskuragarriago egiteko aukera eman digu”.
