La Rous antzerki taldeak adin guztietako ikus-entzuleei zuzendutako Neskatxa bat obra taularatuko du ostiralean, apirilak 24, Erreteriako Niessen Kulturgunean.
Kulturgunearen arabera, obrak ondokoa kontatzen du: “Emakume bat hiritik urrun den herdoildutako kai batean bizi da. Jendeak uzten duen guztia harrapatzen du. Egun batean inoiz ikusitako zerbait lotzen da bere sareetan: botila baten barruan dagoen neskato bat”.
Bost urtetik gorako ikus-entzuleentzako lan ederra da Neskatxa bat. Carlos Grassa Toro idazle aragoiarraren testuan oinarrituta, obra sentsibilitatez eta emozioz osatua dago. Bihotzeraino, zuzen-zuzen, iristen den lana da. Antzezlanak makina bat irakurketa biltzen ditu.
Rosa Diaz aktorearen antzezpena, gainera, oso laudatua izan da, eta zuzendaritzaz Fanny Giraud clown eta pedagogo frantsesa arduratu da.
