Bilboko SC Gallery-k eta Art Management-ek On Paper II izenburuko erakusketa abiatuko dute aipatu galerian bihartik aurrera. Bertan, sei artistek paperean egindako lanak jarriko dira ikusgai, abuztuaren 8ra arte.
Hauexek dira erakusketatan parte hartuko duten sei artistak: Anna Taratiel, Eltono, Felipe Pantone, Fermín Moreno Martin, Nano 4814, L´Atlas eta Satone.
Seirok formatu bereko dozena bat obra sortu dituzte, guztiak paperezkoak. “Papera adierazpen plataforma gisa”.
Lanak formatu txikikoak eta askotarikoak dira; esaterako, L´Atlas artistak eskolako koadernoetako laukidun orriak erabili ditu, ikasleak klasean aspertuta daudenean, orriotan egin ohi dituzten forma geometriko errepikakorrak irudikatzeko.
