Donostiako Aste Nagusian, Flamenka gunerako ondu den musika-egitaraua iragarri dute Donostiako Piratek. Kolektibo donostiar horren webgunean jasotzen denez, “Donostiako Piratak, jai herrikoi parte-hartzaile, askatzaile eta euskaldunen aldeko mugimendua gara. Herritarrek herritarrontzat eratutako jaia aldarrikatzen dugu, gizarte eredu berri baten itsasoetan murgilduz. 2003an egin genuen jauzi lehen aldiz itsasora”.
Musika-programazioaren harira, abuztuaren 11n hasiko da egitaraua Fan & Go-ren emanaldiarekin, eta Belako eta Serrulla taldeen kontzertuekin amaituko da, abuztuaren 18an.
Aipatutako bi data horien artean, izango da zer ikusi: Niña Coyote eta Chico Tornado, MICE, ETS, Skakeitan, Anje Duhalde, Olatza Salvador, The Capaces, Des-kontrol eta Green Valley, besteak beste.
Egitarau oso hemen: donostiakopiratak.eus.