Bihar, ekainaren 15ean, eta edonor denok inor ez erakusketarekin bat eginez, Artiumek, Euskal Herriko Arte Garaikidearen Museoak Udaberri festa antolatu du.
Artium Museoak “Arte Ederren Fakultatearen espiritua ekarri nahi du museora, eta horretarako, Udaberri Festa jardunaldia antolatu du, erakusketan parte hartu duten hainbat ahots protagonista bildu eta campusetik igaro diren azken belaunaldiekin bat egitera gonbidatzeko”.
Bertan izango dira hainbat alderdiri mintzatzeko prest Susana Talayero, Ismael Manterola, Julia Irazustabarrena eta Miguel Ángel Gaüeca.
Horien hitzen ostean, Josu Rekalde izango da bertan. “Haren eskutik, mugimendudun irudiak arte ikasketetan sartzeak izan zuen eragina ezagutuko dugu, Espainian sortutako lehen saila izan baitzen.”
Sarrera horren ondoren, Arte Ederren Fakultatean graduatu berri diren sortzaileen bideo proiekzio saio bat egingo da. Jon Otamendik eta Natalia Vegasek egin dute hautaketa.
Udaberri festak musika ere izango du, eta 13:30ean, Intza Arakistainek, Niko Bortolinik eta Andrea Plazak 2018 urtean sortu zuten Nize taldearen kontzertua izango da.
