Aurreko batean aipatzen genuen bezala, Lizardi Bertsolari Gazteen Txapelketa Finala ostiralean izango da, Zarautzeko Modelo zineman. Hitzordu horretan, eta aurretiaz, bi kanporaketa jokatu ondoren, sei bertsolari hauek arituko dira norgehiagoka: Asier Azpiroz, Oier Aizpurua, Ane Labaka, Amaia Iturrioz, Gema Urteaga eta Eneritz Artetxe.
Iñaxi Etxabek jantziko dio txapela ondoen aritzen denari.
Lizardi Sariaren baitan, Basarri bertso paper lehiaketako sari banaketa ere egingo da. Aurten, Pello Esnalek irabazi du saria eta Imanol Lizarazu gelditu da bigarren.
