Sopelak aktibismo feminista omenduko du martxoaren 8an. “Berdintasunaren aldeko konpromisoa” lemapean, eremu desberdinetan mugarriak markatu dituzten 12 emakume konprometitu erakutsiko ditu.
Nazioarteko feminismoaren historian mugarri izan diren emakume aitzindarien 12 erretratuk osatzen dute kanpaina, ilustrazio teknikarekin eginak. Herri altxorrean dauden eta ezagunak diren figura batzuen errepasoa, eta hain ezagunak ez diren beste batzuen inklusioarekin, interesa eta jakin-mina pizteko eta ikusgarritasun globalagoa lortzen laguntzeko.
Erretratu bakoitzak protagonistaren aipu bat izango du lagun, eta horrek borroka kolektiborako ideia pertsonal oso bat osatuko du, aldarrikapenak, ideologia eta sororitatea azpimarratzeko argumentario sendo bat eratuz.
Halaber, erretratu bakoitzak QR kode bat izango du. Kode horren bidez, Ylenia Baglietto eta Gemma Martinez aktoreek kanpainaren zergatia azaltzeko sarrera bat egingo dute eta emakume protagonista bakoitzaren eta gizarteari egiten dioten ekarpenaren irudi labur bat egingo dute.
Ekimen horrez gain, M8a dela eta, Sopelako Udala argi morez bustiko da, eragile aktibo eta berdintasunarekiko konpromisoaren lekuko gisa.
Martxoaren 8an bertan, 12:00etan, Udaletxeko zabalgunean, efemeride honen inguruko manifestuaren irakurketa egingo da. Animazio gisa, Lourdes Madow Djaren musika saio bat aurkeztuko du. Azkenik, martxoaren 11n, ostirala, 20:00etan, Kurtzio Kultur Etxean, kulturak Sopelako M8aren ospakizunarekin bat egingo du Yerma ikuskizunarekin. Ane Pikaza izango da protagonista, Maria Goiricelaya bilbotar antzerkigileak idatzi eta zuzendutako García Lorcaren ezinbesteko klasikoaren egokitzapen berezi honetan.
