Gipuzkoa Bertsotan txapelketarako sailkapen fasearen lehenengo bi saioak Astigarragan jokatu ziren larunbatean eta igandean, Oiartzunen eta Idiazabalen izan zuen segida ekimenak.
Saio horietan, Unai Muñoa eta Xabier Sukia suertatu ziren garaile larunbateko hitzorduan, eta Oihana Iguaran, Mikel Artola, Asier Azpiroz eta Iñigo Gorostarzu izan ziren irabazleak igandekoan.
Gipuzkoa Bertsotan ekimenak segida izango du asteburu honetan beste zortzi saio berrirekin. Antzuola, Zaldibia, Hernani eta Bergaran bina saio jokatuko dira, goizeko 11:30ean eta arratsaldeko 17:30ean.
Gipuzkoako Bertsolari Txapelketarako sailkapen faserako lehen itzulia amaituko da asteburuan, eta bigarrena hasiko da, di-da.
