Bilboko Udalak Freddy Krueger pertsonaia mitikoa aukeratu du maiatzaren 3tik 11ra bitartean antolatuko duen FANT-Fantasiazko Zinemaren Jaialdiaren aurpegia izateko.
Data horiek heldu aurretik, PreFANT zikloaren lehen proiekzio gisa, bihar, hilak 15, 19:30ean, Bilboko Golem-Alhóndiga zinemetako 1. aretoan A Nightmare on Elm Street filma pantailaratuko du. Filma gaztelaniazko azpitituluekin ikusi ahal izango da, jatorrizko bertsioan.
“Springwood (Ohio) fikziozko herri txikiko gazteek amesgaiztoak izaten dituzte eta, bertan, suak deformatutako eta hortz zorrotzetan amaitutako eskularru bat daraman gizon bat atzetik joaten zaie eta hil egiten ditu. Iragan higuingarria izanik, Freddy Krueger da gazteak lo dauden bitartean hiltzen hasten den pertsonaia.”
Beldurrezko zinemaren ikono handienetariko bat, Freddy Krueger, Robert Englund aktoreak gorpuzten du.
Aurten, filmaren estreinaldiaren 40. urteurrenarekin bat eginez, hiltzailearen lehen planoak osatzen du FANT Bilbao jaialdia iragartzeko kartela.
