Javier Saez Castan artistak Munduaren memoria baterako irudiak izeneko erakusketa paratu du ekainaren 27ra arte, Iruñeko Ziudadelako Bolborategian.
Irudiak, Memoria eta Mundua izeneko atalean agertzen diren piezak dira erakusketa honetako hiru gaiak eta hura osatzen duten lanetan agertzen direnak. Erakusketan pisu gehien duen lanak Munduaren memoria baterako irudiak du izena, proposatutako gaiei aipamena eginez. Argazkiak hartu ditu eta marraztu ditu egileak, marrazki sorta bat da, tamaina handiko konposizio bakar bat osatu arte.
Eulia eta gauzak beste sail bat da, ia ipuin bat, baina ipuin isila, iruditan. Argumentua sinplea da: “euli bat pausatzen da nolabaiteko memoria duten etxeko objektuen gainean, munduaren zati gatzgabeetan. Eulia, arrandia handirik erakutsi gabe, bere oinarriaz galdezka ari dela dirudi.”
Aurkitutako kartak da beste multzo bat; galdutako eta aurkitutako irudiak dira, eta euliaren kasuan bezala, “denboraren gainean galdera bat proiektatzen duen narrazio zehaztugabea eta isila adosten dute”. Aurkitutako kartak dira, hainbat tokitan zortzi urtetan zehar jasotako karten bilduma.
Egilea album, komiki, eleberri eta beste tresna ilustratu batzuen ilustratzailea da. Argitalpen horietan urteak eman ondoren, lotura sekuentzial baten menpe ez dauden marrazkiak egiten hasi da orain.
Erakusketan makina bat marrazki topatuko ditu bisitan etorriko denak.
